UVIÉU, 13 Mar. (EUROPA PRESS) -
La portavoz actual d'IX na Xunta Xeneral y candidata d'esta formación a l'alcaldía d'Uviéu, recordó que cola aprobación del decretu qu'establez como oficiales los topónimos tradicionales de la capital dase cumplimientu a la Llei d'Usu y Promoción del Asturianu, aprobada en 1998 "colos votos del Partíu Popular".
El Gobiernu d'Asturies avanzó esti miércoles nel mapa toponímicu cola aprobación de los decretos que determinen los topónimos oficiales d'Uviéu, Onís y Coaña. "Hai que recordar qu'esti procesu de reconocencia llegal de los nomes tradicionales principió nel 2004 y foi'l Gobiernu de Gabino de Lorenzo el que lu paralizó hasta qu'en 2015, gracies al trabayu d'IX d'Uviéu dende la oposición, volvió recuperase", señaló Masa.
La diputada reconoció que'l procesu allargóse "más de lo que nos prestaría" por dellos erros y ausencies tanto nos nomes como nel mapa, pero que "dende'l nuestru Conceyu aprobóse l'espediente correspondiente hai agora un añu prácticamente".
"Pasos como esti faen que sigamos avanzando na necesaria normalización social del asturianu y en mecanismos que permitan una promoción afayadiza de la nuestra llingua y la so supervivencia pa les xeneraciones futures", sentenció.
Andalucía
