UVIÉU, 15 Feb. (EUROPA PRESS) -
Izquierda Xunida yá zarró'l cronograma de primaries y les votaciones pa escoyer cabeza de llista pal 9 de marzu. La formación constituyó la Comisión Electoral qu'aprobó'l 'Manifiestu Asturias por la izquierda', el reglamentu de primaries conxuntes, el calendariu, y la convocatoria del procesu.
El coordinador xeneral d'IX, Ramón Argüelles, esplicó que na so voluntá taba facer el procesu "más áxil y más rápidu", anque, finalmente, hubo qu'afacer la previsión inicial de tener concluyida la consulta a la militancia pa enantes del fin d'esti mes.
El plazu máximu pa la presentación de candidatura va ser hasta'l 28 de febreru y va haber 9 díes de campaña. "Principiamos cola maquinaria electoral y muncha suerte, y esperemos qu'eso traiga unos resultaos bonos pa IX y sobremanera un proyectu conxuntu pa les asturianes y los asturianos", indicó.
