L'Academia felicita al Principáu pol "valir simbólicu" d'aprobar la toponimia tradicional de la capital d'Asturies

Academia de la Llingua
EUROPA PRESS - Archivo
Europa Press Asturias
Actualizado: miércoles, 13 marzo 2019 18:36
@epasturias

UVIÉU, 13 Mar. (EUROPA PRESS) -

L'Academia de la Llingua Asturiana treslladó la so felicitación al Gobiernu d'Asturies pola aprobación del espediente toponímicu d'Uviéu, un conceyu "especialmente simbólicu" al ser la capital de la comunidá autónoma.

El Gobiernu d'Asturies avanzó esti miércoles nel mapa toponímicu cola aprobación de los decretos que determinen los topónimos oficiales d'Uviéu, Onís y Cuaña. "Con estos tres espedientes aprobaos güei son yá 64 los conceyos que ven oficializada la so toponimia tradicional, conformando estos procesos un pasu perimportante pa la normalización de la llingua asturiana", indiquen dende l'Academia al traviés de nota de prensa.

Sicasí, la institución entiende que'l casu d'Uviéu tien un valir especialmente simbólicu "pol fechu de dar el preste al espediente del Conceyu onde s'asitia la capital del Principáu".

Asturianu ofrecido por