UVIÉU, 22 Mar. (EUROPA PRESS) -
L'Academia de la Llingua Asturiana publicó un númberu nuevu de la revista 'Cultures', que fai'l 21 y que nesta ocasión ye un monográficu dedicáu a la cultura del xuegu n'Asturies, sobre manera nos bolos anque tamién hai referencia a otros deportes tradicionales.
Dirixida por Roberto González-Quevedo y coordinada nesti exemplar pol Carlos Suari, a lo llargo de más de 400 páxines,'Cultures' inclúi artículos d'investigación sobre'l xuegu tradicional y les rellaciones sociales que xeneren, la so importancia antropolóxica y sobre les sos posibilidaes deportives y educatives.
Otra manera, publíquense na revista investigaciones sobre los xuegos en Xixón, Morcín, Palacios del Sil (Llión), Quirós, La Pola (Siero), Cangas del Narcea, Cuaña, Navia, Pravia, Grau.
Nesti númberu 21 de la revista escriben, ente otros, autores como Nacho Fonseca, Francisco Álvarez Cadenas, Llorían García, Joseba Etxebeste, Per Lavega, Pierre Parlebas, Rafael García Méndez, Xosé Antón Fernández Martínez 'Ambás', Ramsés Ilesies o Alberto Álvarez Peña
