UVIÉU, 21 Mar. (EUROPA PRESS) -
L'Academia de la Llingua Asturiana va celebrar la so Xunta Estraordinaria del Día de les Lletres Asturianes el vienres 4 de mayu nel uviedín Teatru Campoamor. Nel actu, onde va actuar Nacho Vegas, la institución va normar a dos académiques correspondientes nueves.
Nesta edición del actu principal del Día de les Lletres Asturianes, el conocíu cantautor va interpretar una muestra del so repertoriu n'asturianu. Amás, nesta Xunta Estraordinaria, la institución va dar acoyida a dos académiques nueves. Actualmente, l'Academia cuenta con 24 académicos de númberu -de les que siete son muyeres-, y 21 académicos correspondientes -de les que namás dos son muyeres-.
La máxima institución llingüística asturiana tuvo dirixida hasta l'añu pasáu pola catedrática de filoloxía románica Ana Cano, que nel 2017 dio'l testigu al profesor de la Universidá d'Uviéu Xosé Antón González Riaño.
Asina, esti 4 de mayu, Riaño va lleer el so primer discursu institucional pol Día de les Lletres. Too esto en metá del debate pola oficialidá xeneráu depués del cambiu d'actitú del PSOE, que nel so 32 Congresu asumió esta reivindicación dientro del so ideariu.
