UVIÉU, 8 Abr. (EUROPA PRESS) -
La temporada d'esquí 2023-2024 acabó con un balance nes dos estaciones asturianes de 70.413 usuarios. Trátase de "una cifra atípica", según indicaron dende'l Principáu al traviés de nota de prensa.
La meteoroloxía y l'ausencia de nieve namás dexaron abrir les pistes nestos equipamientos, dependientes de la Conseyería de Cultura, Política Llingüística y Deporte, un mes y mediu. Concretamente, la Estación Iverniza y de Monte Valgrande-Payares tuvo operativa 47 díes y la de Fontes d'Iviernu, 46.
La temporada empezó'l 30 de payares de 2023 y esperábase que s'allargara hasta ayeri, domingu 7 d'abril. Sicasí, la falta de nieve namsá dexó abrir les pistes un 37% de los díes previstos.
La Selmana Blanca supunxo cifres de participación bones, con 5.817 alumnos y alumnes procedentes de 145 centros educativos, que practicaron deportes d'iviernu en dambos complexos d'esquí.
