PARÍS, 23 Ago. (EUROPA PRESS) -
El presidente de Francia, Emmanuel Macron, describió como una "crisis internacional" l'aumentu de les quemes na selva amazónica y anunció que los líderes del G7 van debatir el tema nel alcuentru previstu pa esti fin de selmana en Biarritz.
"La nuestra casa quema. Lliteralmente. L'Amazonía, el pulmón del nuestru planeta y que produz el 20 por cientu del nuestru osíxenu ta en llames", alvirtió Macron, nun mensaxe de Twitter nel que convidó a los líderes del G7 a "falar d'esta urxencia".
El ministru d'Esteriores galu, Jean-Yves Le Drian, tamién espresó la so esmolición nun comunicáu nel que recordó'l papel determinante" que desempeñen los montes tropicales na llucha contra'l cambiu climáticu, de la que Francia ye una de les sos abanderaes.
Nesti sentíu, alvirtió de que los fueos qu'afecten principalmente a Brasil tienen una magnitú "inédita" y apuntó qu'estes quemes viéronse acentuaes "pola deforestación y la conversión de zones forestales en tierres agrícoles".
