"Ciudadanos yá principió negociar puestos col PSOE de Barbón", afirma Mallada (PP)
QUINTUELES, 17 May. (EUROPA PRESS) -
La candidata del PP a la Presidencia del Principáu, Teresa Mallada, criticó esti xueves al candidato del PSOE, Adrián Barbón, pola so "frivolidá" por facer apueste pola oficialidá del asturianu. Según Mallada nun ye una necesidá real de los asturianos y Barbón ta "creando un problema" al pretender "imponer" esi marcu llegal.
Mallada díxolo asina nun actu políticu en Quintueles, nel conceyu de Villaviciosa, énte'l presidente del partíu a nivel nacional, Pablo Casado, onde tamién cargó contra Ciudadanos, porque yá los conocen n'Asturies como'l 'partíu pomelu', porque ye naranxa per fuera y bermeyu per dientro.
Nesi sentíu, esplicó que Ciudadanos yá ta falando n'Asturies colos socialistes pa un posible pactu pa gobernar n'Asturies. "Ciudadanos ya principió a negociar puestos col PSOE d'Adrián Barbón", afirmó, pa recordar que'l candidatu naranxa, Juan Vázquez, ye socialdemócrata y foi asesor del presidente actual, el socialista Javier Fernández.
"Juan Vázquez ye copartícipe de la situación mala na que ta la nuestra comunidá", dixo Mallada.
