AVILÉS, 25 d'Ochobre (EUROPA PRESS)
La presidenta del PP d'Asturies, Mercedes Fernández, insistió esti martes en qu'eliminar l'impuestu de socesiones ye la condición de la so formación de mano pa negociar el presupuestu rexonal. Díxolo n'Avilés, onde precisamente ofreció una charra ante más d'un centenar d'afiliaos y representantes del partíu en toa Asturies sobre dichu impuestu, que considera "inxustu" ya "confiscatoriu".
Fernández apuntó qu'ante'l refugu del PSOE asturianu a esaniciar esti impuestu trátase del requisitu del PP pa sacar alantre les cuentes del 2017 y recordó que la so intención ye "regular y modificar el modelu fiscal. Nel 2015 consiguimos rebaxar dos puntos l'IRPF y bonificaciones n'escueles infantiles y los llibros de testu. La nuesa postura ye simple y conocida".
La presidenta del PP d'Asturies nun quiso referise al enfrentamientu qu'existe col partíu n'Avilés. Aseguró que "nun toi en guerra con naide, nun tengo tiempu" y que "nun sigo a día a día nin con detenimientu" la situación d'Avilés.
Fernández remitióse a les declaraciones del secretariu d'organización, Luis Venta, y en que quier que Carlos Rodríguez de la Torre, actual voceru municipal, "seya'l próximu alcalde d'Avilés".
