UVIÉU/MIERES, 15 Abr. (EUROPA PRESS) -
El movimientu social y vecinal de Mieres sumóse esti llunes a la petición municipal pa que'l primer y últimu AVE diariu a Madrid pare en Mieres y L.lena.
L'alcalde de Mieres, Manuel Ángel Álvarez, convocaba esta mañana la xunta con representantes del movimientu asociativu del conceyu pa plantea-yos esta iniciativa pa consiguir que'l primer y l'últimu AVE del día, paren en dambos conceyos.
"Les Cuenques lleven demasiaos años sufriendo una crisis llarga pero tán trabayando pa construyir un futuru distintu, nel que podamos ufiertar calidá de vida cola que diversificar la nuestra actividá económica y crear empléu. Pa facelo realidá, aprovechar les oportunidaes qu'ufierta la llegada de l'Alta Velocidá ye básico", señala'l manifiestu.
Nel mesmu sentíu, Álvarez argumentó que la llegada de l'AVE "nun pue valir pa conectar unos territorios y desconectar otros".
