UVIÉU, 18 Nov. (EUROPA PRESS) -
La presidenta de Foru Asturies, Carmen Moriyón, dixo esti llunes sobre la postura del so partíu col debate de la oficialidá qu'actualmente nun existe un cambiu "nin se planteó debate dalgún".
Moriyón respondió asina a les crítiques d'Álvarez-Cascos a la postura del partíu sobre l'asturianu o los presupuestos autonómicos. Esti culpó a Moriyón de pretender que Foru sía "muleta" del PSOE y defendió a la formación como partíu "asturianu, autonomista y constitucional", y non como "asturianista, rexonalista o nacionalista".
Moriyón aseguró que nin una cosa nin la otra son a día de güei oxetu de debate nel partíu. "Nun existe cambiu na postura ideolóxica de Foru porque nin se planteó debate dalgún", aseguró.
Lo qu'hubo, dixo Moriyón, ye una decisión de Cascos pola qu'utilizó "opiniones personales" de miembros de Foru pa "intentar dixebrar un partíu que yá sufrió abondo pola so forma de facer política".
