AVILÉS, 23 Ene. (EUROPA PRESS) -
La cantante Marisa Valle Roso va rematar nel teatru Palacio Valdés el 15 de febreru los sos dos años de xira per toa España col so discu 'Consciente' y el cartelu d'acompañantes zarróse cola incorporación de Nando Argüeros, que se suma al so hermanu Fernando Valle Roso, Rodrigo Cuevas, Eva Texedor y Les Pandereteres, según confirmó'l Conceyu d'Avilés en nota de prensa esti xueves.
El conciertu, que va ser a les 20 hores, quier ser un fin de fiesta per tolo alto y forma parte del programa del primer centenariu del Teatru Palacio Valdés.
Les entraes pal conciertu, a precios de 14 a 25 euros, en función de la zona del teatru, puen adquirise na taquilla de la Casa la Cultura, los caxeros Liberbank, el númberu de teléfonu 902 106 601, la páxina web https://entraes.liberbank.es/palaciovaldes y na mesma páxina de la cantante, www.marisavalleroso.com.
