UVIÉU, 19 Oct. (EUROPA PRESS) -
El presidente del Gobiernu asturianu, Javier Fernández, avisó a Podemos Asturies y IX, qu'esti vienres rexistraron una propuesta de reforma del Estatutu pa declarar la oficialidá del asturianu, que nun cuenten con él pa llevala alantre
"Nun voi participar d'un cambiu agora nel Estatutu, independientemente de que dea tiempu o non, que supongo que non, pero conmigo que nun cuenten pa ello", afirmó Javier Fernández en declaraciones a TPA.
El xefe del Executivu autonómicu aportunó en que nun se presentó a les elecciones con un programa electoral que recoyera la oficialidá de la llingua asturiana y esti ye un asuntu "importante abondo" como pa "presentá-ylo a los asturianos".
Les declaraciones de Fernández produciéronse depués de que los grupos parllamentarios de Podemos Asturies y IX- rexistraren una Proposición de Llei de reforma del Estatutu d'Autonomía pa declarar la oficialidá del asturianu y gallego-asturianu enantes de qu'acabe esta llexislatura.
