UVIÉU, 30 Sep. (EUROPA PRESS) -
L'alcalde d'Uviéu, Alfredo Canteli (PP), dixo a los críticos col plan previstu pa la fábrica d'armes de La Vega que "los que nun lo entiendan que vaigan a la universidá".
El rexidor defendióse asina de les crítiques de los grupos de la oposición local y los movimientos que surdieron en contra del Protocolu xeneral d'actuación ente'l Ministeriu de Defensa, el Principáu d'Asturies y el Conceyu d'Uviéu pa la futura reordenación urbanística y puesta en valor de la fábrica d'armes de La Vega'.
Nunes declaraciones a los medios, Canteli señaló que la propuesta ye "una operación magnífica pal futuru d'Uviéu", que ta "perbién ellaborada y perbién trabayada".
Preguntáu sobre si'l presupuestu de 2023 va contemplar dalguna partida específica pa esti espaciu de la ciudá, Canteli aseguró que "pa La Vega agora nada", y dixo que va dir él "de xemes en cuando a ver cómo ta aquello".
Agora, esplicó, ye momentu de firmar el conveniu definitivu, pa lo que tovía nun hai fecha definida, y a partir d'entós ellaborar el plan especial y "trabayar". El primer conceyal señaló qu'espera que la firma del conveniu sía "ceo", proque la ministra de Defensa, Margarita Robles, aseguró-y que yá taben trabayando nello.
