MADRID, 24 Abr. (EUROPA PRESS) -
Dalgunos de los obreros que trabayaben nes obres de Notre Dame confesaron a la policía fumar nos "andamios" a pesar de tar prohibíu, como publica'l selmanariu francés 'Le Canard Enchané' y recueye la prensa gala.
Según el selmanariu satíricu, los investigadores atoparon delles colilles nel sitiu de la quema qu'afaró la catedral parisina'l 15 d'abril y afayaron tamién llagunes de seguridá.
Coles mesmes, afirma que los bomberos foron avisaos namás 35 minutos depués de que saltara la primer alarma de quema, en vez de los 20 minutos que s'anunciaren oficialmente.
Según los funcionarios de Notre Dame a los qu'entrevistó 'Le Canard Enchané', los cables llétricos taben asitiaos de tala forma que esponíen l'áticu a "cortucircuitos", dalgo que, según señala, ta "prohibíu" por toles normes de seguridá.
