UVIÉU, 15 Oct. (EUROPA PRESS) -
El conseyeru d'Educación y Cultura del Principáu, Genaro Alonso, repitió esti llunes que la oficialidá de la llingua asturiana ye una decisión de la Xunta Xeneral "que tresciende abondo l'ámbitu competencial de la Conseyería".
El titular de Educación afirmólo asina enantes de participar na presentación del llibru 'Excavaciones arqueólogicas en Asturias 2013-2016', onde los medios preguntaron pola aplicación nel ámbitu educativu de la oficialidá.
Nesi momentu, Alonso dixo que "d'aplicase, eso supón de manera inherente unes obligaciones inmediates que se deriven de lo que significa la oficialidá". Sicasí, repitió que la oficialidá ye una decisión de la Xunta Xeneral que tresciende "abondo" l'ámbitu competencial de la Conseyería".
"Nós, nesti momentu, lo que tamos faciendo ye lo qu'establez y determina la Llei d'Usu y Promoción del Asturianu, namás", dixo.
