AVILÉS, 14 Abr. (EUROPA PRESS) -
La iniciativa 'La Reciella de la Factoría na Rede' vuelve n'abril con una actividá nueva destinada a les neñes y a los neños, que va poder siguise de forma telemática. Olga Cuervo va enseña-yos, gracies a los cuentos, a caltener unos vezos de vida sana, esti sábadu, 17 d'abril, a partir de les 11.00 hores.
Los cuentos, les histories que texe l'artista, van convertir a los y les pequeñes en protagonistes, mentes deprenden la importancia de los vezos bonos pa caltener una vida saludable y activa.
Va poder descargase a partir de les 11.00 hores del sábadu, na páxina web de la Estaya de la Llingua d'Avilés, www.llinguaviles.com; na revista dixital de la Fundación Municipal de Cultura, www.avilescultura.com, les redes sociales municipales y la plataforma dixital PlayPresta.
