UVIÉU, 30 Sep. (EUROPA PRESS) -
El portavoz de Podemos na Xunta Xeneral, Rafael Palacios, mostróse bien críticu esti vienres sobre'l papel del Ministeriu de Defensa en tolo que tien que ver colos terrenos de La Vega, onde ta l'antigua fábrica d'armes d'Uviéu. A xuiciu de Palacios, Defensa tendría quee devolver La Vega a la ciudadanía y, amás, pagar "polos años d'abandonu" que sufrió esi espaciu.
Ye más, nuna rueda de prensa ufiertada n'Uviéu, Palacios dixo que Defensa nun ye la propietaria de los terrenos de La Vega. "Por más que se pida, nun tien nin escritura nin documentu que lo demuestre", señaló.
Palacios tuvo acompañáu pola conceyala de Somos (marca local de Podemos) nel Conceyu d'Uviéu, Ana Taboada, que sí dixo que'l suelu pertenez al Ministeriu de Defensa.
Taboada esplicó que "apocayá" los terrenos tán inscritos a Defensa. Cuando los periodistes preguntaron a Taboada cuándo se realizara esa inscripción, la conceyala dixo que lo van facer públicu bien ceo, cuando completen un estudiu xurídicu que tán ellaborando.
