UVIÉU, 22 Jun. (EUROPA PRESS) -
La Plataforma Feminista d'Asturies convocó concentraciones pa esti vienres a les 19.00 hores, énte los xulgaos de Llamaquique n'Uviéu y na plaza del Parchís de Xixón, contra la decisión de la Sección Segunda de l'Audiencia de Navarra que dictó llibertá provisional pa 'La Manada' baxu fianza de 6.000 euros.
La convocatoria ta espardiéndose por redes sociales sol 'hastag' #AlertaFeminista, contra la decisión del tribunal sobre los cinco condenaos a nueve años de cárcel per abusu sexual nos Sanfermines de 2016.
Amás, el tribunal impón a los condenaos la obligación de comparecer los llunes, miércoles y vienres nel xulgáu de guardia de la so localidá. Tamién-yos impón la prohibición d'entrar na Comunidá de Madrid, la prohibición de comunicación cola víctima, la retirada del pasaporte, y la prohibición de salir del territoriu nacional ensin autorización xudicial.
L'autu cuenta con un votu particular discrepante, el del presidente del tribunal, que quier más prorrogar la prisión provisional de manera incondicional.
