UVIÉU, 23 Nov. (EUROPA PRESS) -
El diputáu de Podemos Asturies Andrés Vilanova afirmó que la so formación, xunto con IX, va trabayar pa rexistrar una reforma del Estatutu al empiezu de la llexislatura próxima y que la oficialidá pueda aprobase en payares del 2019.
En declaraciones a los medios minutos depués de que'l plenu de la Xunta Xeneral refugara la propuesta conxunta de Podemos Asturies y IX pa reformar l'Estatutu d'Autonomía pa la incorporación de la oficialidá, Vilanova afirmó que teníen los votos y daben los plazos, "pero desgraciamente'l PSOE decidó enrocase na postura de Javier Fernández y dar el llombu al avance en derechos n'Asturies".
Por eso, el diputáu dixo que depués de mayu nun hai escusa pa sacala alantre y que Podemos Asturies y IX van trabayar pa que se rexistre al empiezu de la llexislatura y qu'esta a'apruebe en payares de 2019.
"Dientro d'un añu, el PSOE nun va tener escusa nenguna p'aprobalo y si va ser dientro d'un añu da cuenta de lo absurdo que ye nun aprobalo agora, esto tarde o temprano acabara llegando", dixo.
