El PP muestra un "compromisu claru" cola caza y los toros y contra la oficialidá y l'impuestu de Sucesiones

Reunión de la dirección autonómica del PP asturiano
EUROPA PRESS
Actualizado: martes, 18 diciembre 2018 19:39

UVIÉU, 18 Dic. (EUROPA PRESS) -

La presidenta del PP d'Asturies, Mercedes Fernández, señaló esti martes el so apueste por "combatir a la esquierda" con mensaxes "nidios" pa ser una "alternativa real" nes elecciones de mayu. Ente ellos resaltó la so defensa de la caza y los toros, amás del so refugu a la oficialidá del asturianu y al impuestu de Sucesiones.

Especialmente crítica mostróse Mercedes Fernández colos socialistes asturianos por "entregase" a Pedro Sánchez, al que califica como "el presidente peor y con menos votos de la historia del país" y a la ministra pa la Transición Ecolóxica, Teresa Ribera, y les sos "polítiques contraries" pa la industria del Principáu.

Ente los "compromisos claros" de los 'populares', Mercedes Fernández resaltó la so defensa de la caza y de los toros, amás del so refugu a la oficialidá del asturianu y al impuestu de Sucesiones.

"Fuximos de la zona de confort políticu. Onde hai claridá nun hai tracamundiu", dixo na so intervención na xunta del Comité Executivu Rexonal del PP, que preside esta tarde nel Palaciu de Congresos y Esposiciones d'Uviéu.

Amás, defendió la necesidá de diseñar campañes "personalizaes" con mensaxes directos", utilizando les redes sociales pa llegar a los asturianos. Según la líder de los 'populares', tienen que ser selectivos pa llegar a la opinión pública con "mensaxes nidios" ensin que naide los "reinterprete".

Mercedes Fernández, qu'aseguró que'l PP lleva cuatro años en campaña, mostróse convencida del éxitu electoral de la so formación. "van salinos les coses bien", dixo.

Tamién d'elecciones faló pa referise a los comicios n'Andalucía y la "paradóxica victoria" del Partíu Popular. "Baxando siete escaños, que nunca ye noticia bona, tamos en condiciones d'afirmar que'l cambiu n'Andalucía va lideralo'l PP", dixo.

Asturianu ofrecido por