UVIÉU, 15 Oct. (EUROPA PRESS) -
El gallardonáu col premiu Princesa d'Asturies de les Artes 2019, el dramaturgu inglés Peter Brook, afirmó esti martes n'Uviéu que tamos arrodiaos de "políticos que cometen erros tráxicos", pero que'l 'Brexit' asítiase como "el más estúpidu de los últimos años".
A entrugues de los medios na so comparecencia nel Hotel de La Reconquista pola Selmana de los Premios, Brook defendió "l'ideal" de la Unión Europea de buscar unos Estaos Uníos d'Europa, basáu nuna unión respetando la soberanía de cada estáu de cara a dexar atrás les lluches fronterices ente naciones.
Énte esto asitió'l 'Brexit', una "idea tráxica que ruempe coses", según señaló. "Ye una idea estúpida que se convirtió en realidá", comentó, pa calificar de "democrática y noble" la postura de facer un referéndum pa que la ciudadanía fale.
Sicasí, esplicó que los británicos foron llamaos a les urnes ensin saber les consecuencies de la salida de la Unión Europea y les sos implicaciones en materies d'agricultura o la bolsa. "A naide-y cuntaron que diba asoceder too esto", apuntó'l dramaturgu, qu'afirmó que'l sí al 'Brexit' sofítase nun "votu estúpidu" y "non democráticu" contra los estranxeros. "El 'Brexit' ye ún de los más murnios y estúpidos erros", sentenció.
