UVIÉU, 5 Dic. (EUROPA PRESS) -
El Conseyu de Gobiernu del Principáu d'Asturies aprobó esti xueves el Proyectu de Llei de Presupuestos pal Principáu d'Asturies pa 2020, con una cuantía total de 4.757 millones d'euros. Contempla'l proyectu presupuestariu incentivos "pal mediu rural y un apueste pola ciencia y la innovación".
Los 4.757 millones suponen una medría del 5,1% en comparanza col presupuestu del presente añu, con una inversión social de 3.195 millones, inversión productiva de 366 millones d'euros y un gastu non financieru de 4.159 millones. Trátase, según esplicó en rueda de prensa la conseyera de Facienda, Ana Cárcaba, d'un presupuestu "innovador, de futuru" y con midíes nueves pa "una Asturies nueva".
