UVIÉU, 6 Nov. (EUROPA PRESS) -
L'Índiz de Producción Industrial (IPI) cayó un 12,7 por cientu nel mes de setiembre en comparanza col mesmu periodu del añu pasáu nel Principáu d'Asturies, según información publicada esti vienres pol Institutu Nacional d'Estadística (INE).
No que va d'añu l'índiz baxó n'Asturies un 16,6%. Los mayores descensos anuales produciéronse en Illes Balears (-21,1%), Principáu d'Asturies (-12,7%) y Canaries (-7,6%). Y les mayores medríes foron n'Aragón (8,1%), Galicia (7,2%) y Cantabria (4,1%).
A nivel nacional, l'Índiz Xeneral de Producción Industrial (IPI) baxó un 0,6% en setiembre en comparanza col mesmu mes de 2019, moderando en más de cinco puntos el retrocesu anual d'agostu (-5,9%). Cola cayida interanual de setiembre, la producción industrial encadena nueve meses consecutivos en tases negatives.
