UVIÉU, 22 Mar. (EUROPA PRESS) -
Ediciones Trabe acaba de publicar 'Una maleta enllena recortes', un llibru-homenaxe qu'axunta lo que la crítica teatral foi escribiendo en dellos diarios o selmanarios sobre les representaciones del grupu Telón de Fondo y que tien una importante carga visual.
Según señalen dende Ediciones Trabe, nel 1973, yá nel tardofranquismu, nació'l grupu de teatro Telón de Fondo al calicor de la daquella empresa nacional siderúrxica Ensidesa, na so factoría de Xixón. "D'entós p'acá munchos son los años andaos y muncho'l camín fechu por esti grupu teatral que foi a adaptase a los tiempos y les circunstancies", indiquen.
"L'asturianu llegó a él bien ceo como daqué natural, xusto y necesario y supo ser referente y creador d'artistes y directores que tomaron y remanaron como propia la llingua que sí que lo year, pero que tuviera esqueicida y tapecida nes cortes y nos praos y que namás salía d'ellí (o la sacaben) pa facer risión d'ella y de la xente que la falaba", afirma Ediciones Trabe.
