UVIÉU, 27 Mar. (EUROPA PRESS) -
L'ensayu 'Como augua de torbón. Guerra civil y represión franquista nel estremo noroccidental d'Asturias' publicó un booktrailer col cantar que fixo'l coru Al altu la lleva
El tema, que yá suma 1.200 visualizaciones en YouTube, compúxolu Aníbal Menchaca a partir d'una lletra de Xosé Miguel Suárez Fernández, autor del llibru. Nella quier resumirse, como si fuera un romance, lo que supunxo la implantación del poder militar golpista nel estremu noroccidental asturianu y la represión que vieno depués sobre la xente simpatizante de les esquierdes.
De la grabación del soníu y la mezcla ocupáronse Diego Reyes y Aníbal Menchaca. La producción del vídeu tuvo al cargu de Javi Lueje y Rubén Arena, que grabaron n'Abres, A Veiga, Porcía y Navia. Per otru llau, les imáxenes del coru grabáronse nel Auditoriu Teodoro Cuesta, de Mieres.
