UVIÉU, 6 May. (EUROPA PRESS) -
El secretariu xeneral y portavoz parllamentariu de Foru Asturies na Xunta Xeneral, Adrián Pumares, pidió güei a Adrián Barbón que "dexe d'enredar" y retólu a llevar a la Xunta cualquier propuesta de reforma del Estatutu.
Pumares referíase asina al anunciu d'Adrián barbón de convocar la selmana viniente a los grupos parllamentarios pa buscar el consensu pa llograr la oficialidá del asturianu.
"Vamos debatir na Xunta Xeneral, con lluz y taquígrafos", afirmó'l diputáu forista, según quien Barbón "quier esconder la so falta de voluntá y la so galbana, porque en cuasi cinco años que lleva gobernando nun impulsó la Llei d'usu nin avanzó na normalización del asturianu".
