UVIÉU, 12 Ago. (EUROPA PRESS) -
A los cinco tripulantes d'un buque atracáu n'El Musel fixéron-yos pruebes PCR depués de que l'oficial xefe del buque diera positivu. El barcu, con bandera d'Antigua y Barbuda y que saliera del puertu de Hamburgo el 5 d'agostu, llegó a Xixón el llunes pela tarde con seis persones a bordu y cargáu con material siderúrxico.
L'equipu de Sanidá Esterior de la Delegación del Gobiernu n'Asturies recibió na tarde del martes 11 l'avisu de qu'un tripulante d'un buque atracáu nel puertu d'El Musel diera positivu en COVID-19. Trátase del oficial xefe del buque, que foi al Hospital de Xove onde y fixeron una prueba que salió positiva.
Nesi momentu, el consignatariu del buque notificó la situación a Sanidá Esterior, que siguió'l protocolu establecíu nesti tipu de casos: coordinación y actuación xunto la Conseyería de Salú, el SESPA, l'Autoridá Portuaria de Xixón y Capitanía Marítima.
La Xefa de Serviciu de Sanidá Esterior xubió a bordu del buque a última hora de la tarde, y en comprobando la situación, una enfermera del SESPA realizó pruebes PCR a los cinco tripulantes qu'acompañen al contaxáu.
A esta hora dende Delegación de Gobiernu tán a la espera de conocer el resultáu. La persona contaxada, siguiendo'l protocu losanitariu, ta aislada y separada del restu de la tripulación.
