UVIÉU, 10 Oct. (EUROPA PRESS) -
El Muséu del Pueblu d'Asturies publicó 'Guirrios na Cuenca Minera'l Nalón', editáu por Vicente Rodríguez Hevia, Severino Antuña González y Luis Manuel Iglesias Cueva. Esta obra zarra la triloxía de comedies de sidros cola recuperación de la obra de Graciano Vallina y Ángel González, 'el tíu Recono'.
El llibru recueye testos recuperaos gracies a copies manuscrites y a la memoria de dellos informantes "de mui desigual valir lliterariu, anque pervaloratibles documentos pa siguir les andances de los guirrios y la comedia en Samartín del Rei Aurelio o Llaviana".
La obra pue descargase de baldre y completa los anteriores tomos dedicaos a les obres de Siero (tomu I), y d'Asaúra y Nieves (tomu II), editaos tamién pol Muséu del Pueblu d'Asturies.
