Publicado 18/11/2013 20:26CET

Ricardo Candás gana'l premiu de poesía Xuan María Acebal col so poemariu 'Superficie del silenciu'

OVIEDO, 18 Nov. (EUROPA PRESS) -

Ricardo Candás resultó ser la persona ganadora de la decimonovena edición del Premiu Xuan María Acebal de poesía n'asturianuu, pol so poemariu 'Superficie del silenciu', que con una dotación de 3.000 euros concede la Conseyería d'Educación, Cultura y Deporte del Principáu d'Asturies.

Ente les obres presentaes, el xuráu decidió por mayoría conceder el Premiu al poemariu tituláu Superficie del silenciu, destacando, según consta nel acta, *la solidez d'una obra unitaria que crea una atmósfera de sensaciones alredor de la memoria, el destín y el presente, estableciendo un diálogu ente la voz y el silenciu.

La obra fue presentada bajo el seudónimo Oswaldo. Abierta la plica, el autor ganador resultó ser Ricardo Candás.

El xuráu encargáu de valorar los nueve obres finalistes xuntose na tarde de güei, 18 de payares del 2013, na Viceconsejería de Cultura y tuvo formáu por persones rellacionaes col ámbitu de la lliteratura asturiana; cuntó nesta ocasión cola participación de los escritores José Ángel Gayol, ganador de la edición anterior del premiu, ya Irma González-Quevedo Pedrayes; la profesora de Filoloxía de la Universidá d'Uviéu, Elena de Lorenzo Álvarez y el filólogu adscritu a la Dirección Xeneral de Política Llingüística, Xosé Miguel Suárez Fernández.

A esti galardón podíen presentase poemarios de tema, xéneru y estructura llibres escritos en llingua asturiana con una estensión mínima de quinientos versos, siempres que fueren inéditos y non premiaos n'otros concursos.

Ricardo Candás (Xixón, 1970) ye llicenciáu en Filosofía pola Universidá d'Uviéu. Llogró dellos premios lliterarios, como'l *Fernán Coronas* (2005), col poemariu Quiciás seya payares; el *Llorienzu Novo Mier* (2010), cola obra Nos díes pensatibles y el *Nené Losada Rico* (2011) col poemariu Naufraxos. Como narrador publicó'l llibru de relatos Les últimes pallabres (2010). Amás, publica davezu en revistes como Formientu o Lletres Asturianes, ente otres.

Asturianu ofrecido por

Lo más leído

  1. 1

    El Gobierno propone limitar a 6 personas las reuniones en Navidad y toque de queda a la 1.00 en Nochebuena y Nochevieja

  2. 2

    La teniente coronel Silvia Gil, primera mujer que dirigirá una Comandancia de la Guardia Civil al asumir la de Teruel

  3. 3

    El PNV da el sí a los Presupuestos tras lograr el traspaso de los cuarteles de Loyola a San Sebastián en 2021

  4. 4

    Los residentes y el personal sanitario de residencias serán los primeros vacunados contra COVID-19, a partir de enero

  5. 5

    PharmaMar lanza un nuevo test PCR que permite detectar y diferenciar el Covid de la gripe