UVIÉU, 5 Dic. (EUROPA PRESS) -
Mariluz Cristóbal Caunedo, Xune Elipe (Dixebra), Xosé Ambás (Tuenda), Xel Pereda (Llan de Cubel), Ramón Blanco (Los Berrones), Santi Caleya (La Bonturné), Leticia Baselgas (L-R), Dani García de la Cuesta, Mercé Santos y David Varela (La Bonturné), Pablo Martínez (Desakato), Lluci Martínez (Corquiéu), Delfín Valdés (La Tarrancha) y Miguel Fernándi (Skama la Rede), son les voces que van participar esti sábadu 14 d'avientu nel espectáculu 'La banda sonora de la oficialidá'.
La gala, qu'entama la Xunta pola Defensa de la Llingua y que va valir pa celebrar los 30 años de Conciertu pola Oficialidá, va facese nel Palaciu Valdés d'Avilés y va tar presentada por Natalia Suárez.
Tolos cantantes van tar acompañaos n'escena por una banda fixa formada por por Wilón de Calle (batería), Antón Ceballos (baxu), Álvaro Bárcena (guitarres), Rubén Bada (buzuqui, vigulín y guitarres), Javier Tejedor (gaita y acordión) y Sam Rodríguez (teclaos).
Les entraes pal actu viéndense nos chigres El Cafeton, Cervecería Cabanón y El Calendoscopio (Avilés); L'Esperteyu, Lord Vader (Uviéu); Cuévano (La Pola Siero); La Semiente (L'Entregu); La Llocura y L'Abellugu (Mieres); y Café Trisquel y Canteli Sidrería (Xixón).
Otra manera, sigue alantre la campaña de micropatroniu pa publicar el llibru discu 'La banda sonora de la oficialidá', que repasa la historia del Conciertu pola Oficialidá con grabaciones, artículos y testos inéditos.
Esta obra va recoyer material inédito d'estos 30 años, amás de semeyes del conciertu, cartelos, artículos y collaboraciones literaries, grabaciones históriques o los singles de Músicos pola Oficialidá.
Los participantes nel micropatrociniu, que se pue facer al traviés de la plataforma Verkami, van tener como recomepensa el propiu discu-llibru, anque tamién pue consiguise la entrada pal espectáculu del mesmu nome.
