UVIÉU, 11 Oct. (EUROPA PRESS) -
L'Arzobispu d'Uviéu, Jesús Sanz Montes, mostró esti vienres el so apoyu a los trés trabayadores de Vesuvius, afectaos por un espediente de regulación d'empléu (ERE), que lleven enzarraos dende'l miércoles na Catedral d'Uviéu en señal de protesta.
Jesús Sanz dixo que los trabayadores nun tán enzarraos por caprichu, sinón qu'atoparon un "escaparate" nel que reflexar el drama que tán viviendo. "Como Ilesia nun podemos más que tar al so llau", comentó Sanz.
L'Arzobispu d'Uviéu pronuncióse nestos términos en recibiendo a miembros del comité d'empresa de Vesuvius. Dexó claro que nun se-yos va a desallugar. "Sentimos la so causa como nuestra", dixo nunes declaraciones captaes por COPE Asturies y recoyíes por Europa Press.
Llamentó Jesús Sánz qu'haya quien refugue a les persones como si quedaren "obsoletes", y que se prescinda d'ellos como si fueren máquines. "Pero nun son máquines, son persones y tienen dignidá", insistió.
