UVIÉU, 20 May. (EUROPA PRESS) -
La candidata númberu cinco de Podemos a la Xunta Xeneral, Jara Cosculluela, comprometióse esti llunes a ameyorar la situación de los deportistes n'Asturies y, cuantimás, la de les muyeres. "La situación de les muyeres nel deporte n'Asturies ye tarrecible", llamentó Cosculluela.
La candidata pronuncióse nesos términos nun actu en Llangréu nel que tamién participó'l candidatu númberu cuatro, Rafael Palacios y el judoka llangreanu David Fernández.
"A igual esfuerciu, mesmu valor", reclamó Cosculluela, que criticó que namás trés de les 56 federaciones deportives qu'hai n'Asturies tean lideraes por muyeres. De fechu dixo que van esixir a les federaciones que pidan subvenciones públiques que tengan un plan d'igualdá.
