UVIÉU, 1 Feb. (EUROPA PRESS) -
El sindicatu Suatea acusó a la Conseyería d'Educación y Cultura de "problema grave de planificación educativa" por tener a estes altures de cursu al Institutu Carmen y Severo Ochoa de L.luarca y al CPBE de Zarréu ensin profesor d'asturianu.
"Un carretáu d'alumnáu qu'escoyó recibir esta materia ve conculcáu'l so llexítimu derechu como consecuencia de una falta planificación alministrativa", indicó'l sindicatu, que recuerda que hai llistes y bolses con profesoráu preparáu pa impartir la materia "pero nun la escueyen".
Pa Suatea, eso ye porque les persones que les constitúin yá tán trabayando pa otres especialidaes, porque son a media xornada o porque tán lloñe de la so residencia. "Esto último trai como consecuencia unos gastos de tresporte, manutención y residencia que malapenes se son a pagar col sueldu recibíu", señalaron.
Pa iguar esta situación, dende Suatea proponen aumentar les places de los estudios universitarios necesarios pa ser profesoráu de Llingua Asturiana y reconocer la especialidá pa poder convocar opoisiciones. Amás, d'una planificación mayor que permita que'l profesoráu de 'Llingua y Lliteratura' tuviera estabilidá.
