UVIÉU, 22 Ene. (EUROPA PRESS) -
El xueves día 23 de xineru a les 22.15 hores, va estrenase en TPA la primer edición del 'Campeonato del Mundo de Escanciado. L'espaciu ta promovida pol Conseyu Regulador de la DOP Sidra d'Asturies en collaboración cola Asociación d'Escanciadores de Sidra d'Asturies.
Trátase d'un formatu dinámicu de 4 programes, nos que se van facer enfrentamientos dende octavos de final, cuartos, semis y final, cola idea de proclamar al Campeón Mundial d'Escanciáu 2020.
Nel mesmu participen los 16 meyores clasificaos del Campeonatu Autonómicu, que se van cruciar en razón de la so posición nel ranking mentáu a eliminatoria directa. Los vencedores d'esi primer duelu van pasar directamente a la siguiente fase.
El baremu de valoración del xuráu va centrase n'analizar el tiempu que tarden n'echar los 6 culetes (puntuación máxima de 6 puntos), la cantidá que contienen los vasos (puntuación máxima de 60 puntos), y l'estilu col qu'echen la sidra (puntuación máxima 67 puntos).
El campeonatu va tar conducíu por David Arango, y va cuntar con los conseyos sobre'l mundu sidreru d'Alberto Rodríguez.
