UVIÉU, 16 Oct. (EUROPA PRESS) -
Los dos trabayadores de Vesuvius que tán enzarraos dende hai una selmana na Catedral d'Uviéu dixeron esti miércoles qu'agradeceríen que Los Reis d'España, que visiten esti xueves el templu, tuvieren el detalle de visitalos.
"Esplicaríamos-yos el problema que tenemos", dixo ún de los enzarraos nun alcuentru que caltuvieron con representantes de los medios de comunicación. "Si quieren venir equí, aqui tamos, agradeceríemoslo", añadió'l compañeru.
Los Reis d'España, la Princesa d'Asturies y la Infanta Sofía van tar esti xueves n'Uviéu, precisamente nes proximidaes de la Catedral d'Uviéu, participando nel actu oficial de bienvenida al Principáu d'Asturies, onde vienen pa la entrega de los Premios Princesa d'Asturies.
Yeren trés los trabayadores enzarraos, pero'l terceru, de más de 60 años, abandonó depués d'una selmana l'enzarru, porque tuvo qu'atender una urxencia familiar, según esplicaron dende CCOO.
