UVIÉU, 15 Feb. (EUROPA PRESS) -
El conseyeru d'Empléu, Industria y Turismu, Isaac Pola, presentó esti vienres el percorríu asturianu de la Vuelta Ciclista a España 2019, que va acoyer trés finales d'etapa los díes 7, 8 y 9 de setiembre.
La primera d'elles va ser el sábadu 7 y va tener 189 quilómetros. Los deportistes van entrar n'Asturies pel conceyu de Ribedeva y van llegar a Uviéu, en pasando per Ribeseya, Villaviciosa y Xixón, ente otros llugares.
La siguiente xornada, que coincide cola celebración del Día d'Asturies, el domingu 8 de setiembre, la competición va partir de Tinéu y va acabar en L'Acebu, en Cangas, depués de xubir trés puertos de primera y ún de segunda categoría y cubrir un trayectu de 159 quilómetros.
La tercera y última de les etapes asturianes va ser el llunes 9, con un percorríu que va llevar a los ciclistes dende Pravia al altu de La Cubiel.la, en L.lena, en completando un percorríu de 155 quilómetros con trés puertos de primera y dos de tercera.
