UVIÉU, 2 Mar. (EUROPA PRESS) -
Los responsables de la Conseyería de Salú del Principáu d'Asturies consideren que les vacunes contra la COVID-19 consiguieron evitar la muerte de 253 persones mayores en dos meses.
Trátase d'una estimación a la que se refirieron esti martes nuna rueda de prensa'l coordinador del Observatoriu de Salú del Principáu d'Asturies, Mario Margolles, y el director xeneral de Salú Pública, Rafael Cofiño.
Margolles refirióse a que s'amenorgaron considerablemente los fallecimientos d'usuarios de residencies de mayores. Estableció la diferencia ente estos residentes y el restu de persones. "Cola diferencia que tuvimos, podemos valorar que nestos dos meses que llevamos vacunando evitáronse, pola vacunación namás en residencies, 253 fallecimientos", comentó.
Tamién faló Mario Margolles de l'alta lletalidá de la COVID-19 n'Asturies, que xube a un 5 por cientu. "Una de cada 20 persones que la tuvieron morrió", afirmó. Sicasí, apuntó al riesgu mayor cuando la edá ye mayor. Les persones de más de 90 años tienen un 29 por cientu de riesgu de finar si tienen la enfermedá, dixo.
