UVIÉU, 11 Dic. (EUROPA PRESS) -
Xaime Martínez Menéndez publica'l llibru-cd 'Ósculos d'agua nel Imperiu Asturianu', onde l'autor fai una reflexón sobre la historia d'Asturies coincidiendo cola celebración de los centenarios de Cuadonga.
La obra supón una auténtica novedá nel panorama musical asturianu y ta llamada en convertise nuna de les referencies imprescindibles pa entender los caminos de la renovación de la música asturiana nel sieglu XXI.
Nos temes del CD y los testos qu'acompañen al llibru, Xaime Martínez realiza una reflexón personal de la historia asturiana al traviés de cantares nos que l'agua, que se presenta como una metáfora de la mesma Asturies, funciona como filu conductor y polos que desfilen personaxes como Urraca l'Asturiana, Xosefa Xovellanos, Belarmino Tomás, Pelayo o la mesma Santina, toos ellos con un calter tráxicu, irónicu y místicu que representa distintos motivos de la identidá asturiana.
