La organización recuerda que'l CTA tien un "papel fundamental" na normalización toponímica
UVIÉU, 5 Jul. (EUROPA PRESS) -
La Xunta pola Defensa de la Llingua Asturiana (XDLA) reclamó esti martes a ADIF y RENFE un usu "más rigorosu y integral" de la toponimia oficial d'Asturies, "con atención especial a les redes sociales, páxines webs y aplicaciones móviles".
Al traviés de nota de prensa, la organización indicó que la toponimia nun ta presente nes pantalles informatives de Renfe de les estaciones d'Uviéu y Xixón y que tovía nun s'usa nes pantalles y avisos sonoros dientro de los trenes, nes aplicaciones móviles de les dos compañíes, nes páxines webs y nes redes sociales.
Del mesmu mou, la XDLA indicó que depués de cuasi venti años de la oficialización de los primeros topónimos, el CTA "sigue incumpliendo la llegalidá toponímica". "Ye fundamental el papel de normalización social que xuega una entidá que xestiona la movilidá de cientos de miles de persones usuaries", indicó l'asociación, que reclama al Gobiernu asturianu "demostrar el so compromisu cola recuperación toponímica" al traviés de la CTA.
"Ye una de les munches coses que'l Gobiernu d'Adrián Barbón podía tener feches yá nesta llexislatura. Nun ye cuestión de consensos nin d'amabilidaes. Trátase de cumplir cola llegalidá", sentenciaron.
