MADRID, 24 Ene. (EUROPA PRESS) -
La Xunta Electoral Central (XEC) resolvió sancionar con 500 euros de multa al presidente del Gobiernu central, Pedro Sánchez, por facer campaña dende La Moncloa enantes de los comicios del 10 de payares, porque considera que supón una vulneración del principiu de neutralidá de los poderes públicos.
Na resolución, l'organismu arbitral, que s'axuntó esti xueves, señala que Sánchez, entós en funciones, "incurrió na infracción tipificada nel artículu 153.1 de la Llei orgánica del réxime electoral xeneral" porque utilizó les dependencies del palaciu de La Moncloa y la web de la Presidencia pa una entrevista que concedió a La Sexta n'ochobre.
La XEC considera que'l xefe del executivu violó "el principiu de neutralidá que cualesquier poder públicu tien que respetar nel procesu electoral", n'aplicación del artículu 50.2 de la llei electoral.
