UVIÉU, 10 Dic. (EUROPA PRESS) -
La Xunta pola Defensa de la Llingua Asturiana (XDLA) calificó esti domingu de "mísera" la cantidá dedicada a la dirección xeneral de Política Llinguística nel proyectu de presupuestos del Principáu pa 2020 que, diz, ta marcáu pol "continuismu".
Según XDLA la partida que'l Gobiernu autonómicu dedica a la Política Llinguística nes cuentes pal añu que vien ye "decepcionante", afirmando que les declaraciones del presidente Adrián Barbón na so investidura y el nomamientu de Berta Piñán como conseyera "facíen pensar que diba haber un compromisu presupuestariu que respondiera por esa actitú favorable".
"Nun siendo que los demás departamentos de l'alministración asturiana dediquen parte del so presupuestu a la normalización del usu del idioma propiu nes sos actuaciones, la cantidá parez mísera pal oxetivu que se busca, más cuando l'aumentu en comparanza col añu pasáu ye testimonial y la cantidá total sigue siendo menor qu'en llexislatures anteriores de gobiernos contrarios a la oficialidá", dicen dende'l colectivu en nota de prensa.
Amás, dende la Xunta pola Defensa de la Llingua Asturiana piden a Cultura que firme un conveniu de collaboración cola RTPA pa la creación del 'Serviciu Asturianu de Doblaxe y Traducción'.
