El grupu Skontra presentará'l próximu mes el so cuartu discu, 'Foguera'

UVIÉU, 16 d'Abril (EUROPA PRESS)

El grupu de 'punk folk' Skontra, que canta n'asturianu y en castellán, va presentar el so cuartu trabayu, 'Foguera' el próximu 29 de mayu n'Uviéu (Sala Sir Laurens), y el 30 en Cantabria, según confirmaron Mecigaya Comunicación nuna nota prensa.

La banda asturiana ta a puntu d'acabar la grabación, que va incluyir la reellaboración acústica d'un tema y una versión colectiva del cantar 'Condenado', del grupu RIP, n'alcordanza al guitarrista fináu Jul Bolinaga.

Según Mecigaya, esti homenaxe al que fuera'l guitarrista de los históricos RIP cola collaboración The Potes -la última banda na que tocó- completa la últimes sorpreses por desvelar d'un discu que tamién va contar coles voces de Fernando Madina (Reincidentes), David (Bastards on Parade), Nuria Martí y les guitarres de Ramiro (40 Barrotes) y Juan Villamil -batería d'Adizión Etílika, Spanta la Xente y Sombra, que mete la parte acústica na reinterpretación del cantar 'La Foguera'.

Los trece temes que van formar el cuartu discu de Skontra preséntense más potentes, más rápidos y con lletres reivindicatives más directes, señalaron dende la casa. Otra manera, "sigue la llinia del grupu: soníu punk-rock con gaita influyíu pol ska, reggae y rock", espliquen nuna nota prensa.