Llega a la ciudá la esposición '30 años coles víctimes'

UVIÉU, 6 de Setiembre (EUROPA PRESS)

La esposición '30 años coles víctimes. Les víctimes en primer persona' de l'Asociación de Víctimes contra'l Terrorismu (AVT)va llegar a Uviéu esti martes 6 de setiembre. L'oxetivu de la iniciativa, según la organización, ye siguir col so oxetivu de llevar el mensaxe de les víctimes del terrorismu a tolos rincones d'España y repasar les trés décades d'historia de l'AVT.

Va ser l'Auditoriu Príncipe Felipe'l recintu que va acoyer la muestra espositiva de les víctimes del terrorismu ente los díes 6 y 11 de setiembre del 2011. Ellí, los ciudadanos van poder averase a conocer el percorríu históricu de l'AVT, nel que se muestren los principales llogros, imaxes, vídeos y publicaciones, que marcaron estos 30 años de llucha poles víctimes.

Esta esposición, presentada nel Congresu de l'AVT en Madrid y depués pasó per Logroño y Xixón, busca sensibilizar a la ciudadanía, mostrando la inxente actividá realizada pola AVT a lo llargo d'estes trés décades.

Por mediu'l percorríu al traviés de los años, muestra "cómo fueron posibles les meyores cuando la sociedá y la opinión pública moviéronse nuna mesma dirección de la mano de les víctimes del terrorismu, conscientes de que la unidá fai la fuerza".