UVIÉU, 26 d'Abril (EUROPA PRESS)
La cabeza de llista de los socialistes pola circunscripción occidental, Fernando Lastra, calificó de "impostor" al candidatu de Foru Asturies a la presidencia, Francisco Álvarez-Cascos. Nuna rueda de prensa monográfica sobre l'ex ministru, Lastra dixo que practica un "populismu" que comparó col de Jesús Gil o José María Ruiz Mateos, y dixo qu'entró na campaña "como un elefante nuna carrarrería".
Según Lastra, naide pue creese que Cascos se presente como líder d'un proyectu de centru y reformista, cuando "lluchó nun Congresu del PP pa qu'ésti fuera de dereches sin complexos". El candidatu del PSOE asturianu considera qu'alguién cola amplia trayectoria política de Cascos nel PP "nun pue tener agora un ideariu distintu".
Pal dirixente socialista, la ç"estratexa" de Cascos va tener "víctimes" y va llevase per delantre a "algún prubín". "Son precisamente los que meyor lu conocen los que menos lu quieren", añadió Lastra.
Refirióse a Cascos como una persona que ye capaz de dicir una cosa y facer lo contrario. "Pue oponese a la llei del divorciu pa los demás y aplicase a él lo contrario; tien un doble moral", señaló.
EMPRESES
Pero amás, Lastra señaló que Cascos punxo "pegues" a determinaes persones pa formar parte del proyectu por cuestiones d'incompatibilidá "y sicasí él nun s'aplicó la mesma medicina, porque caltién relación con distintes empreses".
Asina, Lastra preguntóse: "¿volvió a la política pa siguir l'actividá privada?". Toes eses actividaes n'empreses, rellacionaes col arte, deporte o obra pública "tienen que ver cola notoriedá que llogró na so acción política", apuntó Lastra.
POPULISMU
Lastra llegó a considerar "grave" que Cascos causara una "crisis" y una "baltadera" nel PP asturianu, al que definió como "una fuerza política que pue ser y que yera alternativa de Gobiernu". A xuiciu del dirixente socialista, Cascos fízolo nun rumbu de "soberbia" y "personalismu". Considera que practica'l mesmu "populismu" que tuvo "consecuencies nefastes" n'otros ámbitos y otros territorios.
Preguntáu por si nun temía qu'una rueda prensa como la d'esti martes contribuyera precisamente a reforzar a Cascos, Lastra dixo que la so intención cola so comparecencia ante los medios ye poner de manifiestu la so preocupación "ante'l populismu" que ta practicando Cascos. "Les sos consecuencies suelen ser demoledores pal prestixu de la política y pa los intereses de los territorios", dixo. Asina, dixo qu'el de Cascos ye un acontecimientu políticu "combatible" al qu'hai qu'enfrentase "por hixene".
Andalucía
