GASTEIZ, 27 Mar. (EUROPA PRESS) -
Arabako Aldundiaren Gizarte Politiken Sailari atxikitako Gizarte Ongizaterako Foru Erakundeak 40.000 euro banatuko ditu irabazi asmorik gabeko elkarte, fundazio eta entitate pribatuen artean, gizarte zerbitzuen inguruko ikastaro, jardunaldi, biltzar eta mintegiak egin ditzaten.
Foru erakundeak jakinarazi duenez, eskaerak egiteko epea zabalik da jada, eta apirilaren 22an itxiko da. Eskaerak https://egoitza.araba.eus/eu/-/pr-convocatoria-publica-de-ay... web orriaren bidez egin behar dira.
Deialdiaren xedea da baliabideak ematea gizarte zerbitzuen arloan lan egiten duten entitateei. Prestakuntza ekintzak antolatuz, entitate horiek senideak, profesionalak eta gizartea oro har ohartarazi eta informatu nahi dute entitateok osatzen dituzten kolektiboek bizi duten errealitateaz eta haien bizi kalitatea hobetzeko dauden gizarte, osasun, lan eta irisgarritasun neurriez.
