BILBO, 6 Jul. (EUROPA PRESS) -
Art & Music Km.0 jazz musikako kontzertuen zikloa itzuliko da uda honetan Guggenheim Bilbao Museoaren terrazara, eta saioak eskainiko ditu uztaileko eta abuztuko asteazkenetan, 20:00etatik 22:00etara. Lehen emanaldia asteazken honetan izango da, uztailaren 6an, Aitor Bravo Trio taldearekin.
Zikloaren hirugarren edizioa izango da aurtengoa, eta, "giro lasaian, bertaratutakoek atsegingarri izango dituzte 'kilometro 0' izendapeneko musika taldeen bizitasuna eta nortasuna, lagunartean zerbait hartuz zuzeneko jazz musikaz gozatzen duten bitartean", museoko iturriek adierazi dutenez.
Sarrerak barne hartzen ditu konbinatu bat, bi ardo edo bi garagardo, eta aldez aurretik erreserba daiteke museoaren webgunean eta txarteldegian. Sarrera aurretiaz erostea gomendatu dute, kontzertuaren egunean bertan ere eskura daitekeen arren lekua bete arte. Aurten, gainera, aukera dago erosketa prozesuan pintxo bat gehitzeko pixka bat gehiago ordainduta.
Bada, zikloa asteazken honetan hasiko da, uztailaren 6an, Aitor Bravo Trio taldearen emanaldiarekin. Ondoren etorriko dira Richie Salvador 4tet (uztailak 13), Cumbaos Trio (uztailak 20), Elsa Lizundia 4tet (uztailak 27), Ledian Mola Trio (abuztuak 3), Nico Andino 4tet (abuztuak 10), Xahu (abuztuak 17) eta North Coast Quartet (abuztuak 24).
