. Artium museoak urrian helduko dio berriro 'Hasieratik. Zinema feministaren historiak' zikloari
Actualizado 29/09/2022 14:26

Artium museoak urrian helduko dio berriro 'Hasieratik. Zinema feministaren historiak' zikloari

Cecilia Mangini italiarraren film bateko irudia.
ARTIUM

GASTEIZ, 29 (EUROPA PRESS)

Gasteizko Artium Euskal Herriko Arte Garaikidearen Museoak 'Hasieratik. Zinema feministaren historiak' zikloko proiekzioei ekingo die berriro datorren urrian, eta, hasteko, Cecilia Mangini italiar zinemagile eta zinema dokumentalaren aitzindariaren sei film labur proiektatuko ditu igandean, urriaren 2an.

Horrez gain, azaroaren 13an, Margarethe von Trotta zuzendari alemanaren 'Heller Wahn' ikusi ahal izango da, eta, azkenik, abenduaren 4ko emanaldian, Feministaldia Kultura Feminista Jaialdia izango da protagonista, museoko arduradunek jakinarazi dutenez.

Hiru saioak Artiumeko auditoriumean izango dira, hileko lehen igandean, azaroan izan ezik, bigarrenean izango baita, 18:00etan. Aretoko edukiera mugatua da, eta aurrez gorde behar da tokia, 945 20 90 20 telefono zenbakira deituz.

'Hasieratik. Zinema feministaren historiak' zikloa Artium museoaren eta Tabakalera Kultura Garaikidearen Nazioarteko Zentroaren arteko lankidetza proiektu bat da, eta Lur Olaizola du koordinatzaile.