BILBO, 18 (EUROPA PRESS)
Bernard Goity euskaltzain urgazlea zendu da, 97 urte zituela, eta hileta elizkizuna ostiralean izango da, apirilaren 19an, 10:00etan, Izpurako elizan (Nafarroa Beherea), Euskaltzaindiko iturriek jakinarazi dutenez.
Izpuran bertan jaio zen Bernard Goity, 1926ko maiatzaren 15ean. Zuzenbide Kanonikoan doktorea (Tolosako Institutu Katolikoa), apaiza eta Baionako Andredena Maria katedraleko kapituluburu ohia izan zen, bai eta 'Herria' astekariko diruzain ohia ere.
Euskaltzaindiak urgazle izendatu zuen 1983ko apirilaren 28an, eta bere idazlan batzuk dira 'Histoire du diocèse de Bayonne' (2007) edota 'Elizak eta Estatua bereizteko legea' (2008, elkarlanean).
