BILBO, 25 (EUROPA PRESS)
Bilboko Udala 2021-2022 epealdirako hiriko enplegu planaren edukiak azkentzen ari da, Bilbao Ekintza udal sozietatearen bitartez. Urtero Lanbide euskal enplegu zerbitzuarekin batera abian jartzen den "programa handinahia da".
Bilboko Udaletik jakitera eman dutenez, planaren helburu nagusia da hiribilduko ekonomia suspertzeko lanpostu berriak sortzea. Gainera, bilbotarrek enplegua aurkitzeko ahalmenahobetu nahi du, aldi baterako kontratazioaren bidez.
Horretarako, enplegu plan arruntaz baliatuko da berriz ere, zeinak udal eskaintza zabala eta jarduera ildo eta proiektu garrantzitsuak barne hartuko dituen. Gainera, tokiko enpresetan enplegua sortzea bultzatuko da, langabeak kontratatzeko dirulaguntzen bidez eta kolektibo zaurgarrien kontratazioa era berezian sustatuz, besteak beste, pertsona nagusi, emakume, luzaroan langabezian egon diren pertsona eta diru sarrerak bermatzeko errenta jasotzen dutenena.
Bilboko Udalaren enplegu plan honetan, erdi edota goi mailako titulua duten 30 urtetik beherako gazteei zuzendutako beste sorta garrantzitsu bat gehituko da.
Azkenik, udalak herritarrei gogorarazi die laster Bilboko enplegu plana indarrean sartuko dela, eta datuak eta curriculum vitaea eguneratzeko Lanbideren bulegoetara jo beharko dutela.
